XXL

Intro:
Gressa, hecha, weida, waxa
Kaffa, olles kaffa, kaffa,
Arban, wergln, bugln, schwitzn
Gäid vadeana, kaffa, kaffa


Chorus:
Mir sann de Genaration XXL,
Da reinste Wahnsinn jäda XXL
S’Lehm is a Soafnblosn, wos es bloß habds,
Ois wird oafach imma gressa, brauchds ned glahm dass wos bladzd


Verse 1:
XXL – a neia Gschäfdswong,
Wissds es wos Auddos üba Menna aussong??
A Mo der a grouß Auddo brauchd, des is ja echt da Gipfe,
Hod meisdns an ganz an winzig gloana, oda glei übahabds koan Rasnmäabulldog

Verse 2:
XXL – dausnd Friend,
Im Faggebook, wenn grod no a Einladung erscheint
Hauptsach mehra ois da anda, d’Häifdn kenne ned
I chädd liaba, ois dasse red

Verse 3:
XXL – Oktobafest
Boarische Reinkultur wurschd wohi dass du gähsd:
6 Milliona Bsuffne, de in am Fluss vo Menschn dreim
Und eana Breissndrachd daschbeim


Chorus:
Wia vorher!!


Verse 4:
XXL – Horrorfilm
Auf da Wäid is ja in echt ned schlimm
Meggsd a gscheids Gemetzl seng, war Hannibal ned schlecht
Oda du fahrsd auf Syrien, weil do gibdses in echt

Verse 5:
XXL – Goußbrauarein
Wos sie heidsdogs ois ois Bier bezeichnet, des sann Sauarein
Bevore freiwillig a so a Warsteiner sauf, des sog eich I,
Haue ma liaba mei Lädschn ans Dieschegg hi

Verse 6:
XXL – Megabürga
Erst heasd an Schmatza und dann einen Würga
Wos isn do scho wieda fia Radau, do vorn beim Bürgaking
Do is moi wieda oana vo de Stammkundn a da Dia stegga blimm


Chorus:
Wia vorher!!


Verse 7:
XXL – hossdas gseng
20g Megapixl auf meina neia Digicäm
Grod mei Frau is leida no de oid
Und mied dene scharfn Bäidl siggd ma jäde Foiddn

Verse 8:
XXL – Wohlstandswambn
Wia wenn sie bei uns oa koa Wambn leistn kanndn
Da Wohlstand steigt, a jäda is reich
Schauds hoid oafach auf de Beich


Chorus:
Wia vorher!!