Danke

Verse 1:
Merce an olle unsane Fäns
Fia eicha Gladschn, juhoidzn, dass es uns dakennds
Auf da Strass, im Bierzäid oda sunnsd irgendwo
Und uns unaufgfordad lobds, oafach a so
Mir gfrein uns, dass es unsa Konzert do beehrts
Und dass es hübschn Diandl unsre Körper begehrts
Schee, dass es eich ned nur an de Getränke berauschds
Sondan aa euphorisch unsra Muse lauschds.


Chorus:
„Danke“ is grod a Wort a ganz gloans
Gähd im grelln Lärm der Wäid so leichd valoan
Drumm singmas bewusst am Anfang glei
Mir danggan eich


Verse 2:
Mir bedanggan uns bsundas bei de weiblichn Fäns
Fia Engagement, hoaße Bligge, eana Omnipräsenz
Dafia, dass es unsa Muse gern heads
Und jädn Applaus mied Wuhu-Rufe aufwerts
Danke, dass es eicha Begierde in Zaum hoids
Und ned undda de Liada in Ohnmacht foids
Dafia, dass sie ned wia wuid auf de Bühne rennan
Und mir desweng imma no ohne Security auskemman.


Chorus:
Wia vorher!!


Verse 3:
Zum Schluss no da ollawichtigste Dank
Ned an Sponsoren, Brauarein oda irgend a Bank.
Iadz is de Zeid, fia de wichtign Leid
Fia jädn, der uns auf da Strass in d’Ewigkeit begleit
Familie, Freind wos war ma ohne eich?!
Wer arm an Liebe is, der werd nia wirgglich reich!
Danke, dass do seids, zuaheads, vastähds,
Dass es häifds wenns ma dreggad gähd!


Chorus:
Wia vorher!!


Räpp:
Merce an de Leid, de uns gar so gern meng
Merce an de Leid, de uns oiwei wieda seng
Merce an olle, de ohne übaleng
Hundad moi zu unsane Konzerte gähn.
Merce an de, de bei de schnäin Sachan
Verständnis heuchln und dazua aa no lachan
Merce an de, de uns begladdschn
Und an de erste Reih, dass uns ned betatschn
Merce an Ettracks unsa Studio,
Weil ma sie koa bessas ned wünschn ko
Merce an de Leid, Merce an eich,
Merce an olle, eich kimmd koana gleich!!
Und fia olle, de sie iadz glei übas Tempo beschwern:
Es werd aa wieda langsama wern.